म खोज्दैछु

Source:www.googleblog.blogspot.com

                             

सधैजसोको भीष्म प्रतिज्ञा तोडि 

गर्छु भनेको र गर्नुपर्ने काम राख्दै थाती

आजको यो दिन पनि त्यसै बित्यो साथी

अनि, गुनगुनायो एकाएक मन शान्त मध्यराति

--- " गर्छु अब जे जसो भएपनि गर्छु  "

 थोरै पुरा   नभ्याए पनि

 गर्छु अहिले, इच्छा र मन टाढिएपनि

 गर्छु साहस आटिँलो म नभएतापनी  --

- कर्तव्य र कर्मको सुस्त अनि लगभग शून्य गति

 मिहिनेत र परिश्रम गर्ने मन चोरिभएको बेथिति 

विशाल सपनाहरु सूक्ष्म, क्षुद्र भइ विलिन हुने स्थिति 

सक्षम, सबल भएपनी सार्थकताको परीक्षामा अनुत्तीर्ण भएको मिति

 -- पर्खीरहेको छु जस्तो लाग्छ आफैँलाई 

जीवन जिउने क्रममा रुमलिएजस्तो लाग्छ

 ...... आफैँलाई  

" जीवनरुपि सागरमा तैरिन सिक्दैछु म " 

भविष्यको क्यान्भासमा केही कोर्न खोज्दैछु म

 कोसौको लामो दुरि छिचोल्न खोज्दैछु म

 थाहा छैन गगनको पता, तर पनि एकदिन अवश्य पुग्ने आशामा, 

पाइला चाल्दैछु म 

स्वर्ग त्यहीँ अवस्थित छ रे 

स्वर्गावलोकन गर्न जादैछु म 

भगवनको थलो त्यही हो रे

 भगवन् भेट्न जादैछु म

 भविष्य कोर्ने कलाकारको वासस्थान पनि त्यही पर्छ रे

 अरनिको हुन् कि तिनी

 या हुन् दाभिन्सी

 या त मिसेल्याङ्गो 

पारख गर्न जादैछु म

महामानवको वस्ती हो रे 

महान् ती भेट्न जादैछु म

 के मिले के नमिलेको जस्तो 

पढ्छु तर नबुझेको जस्तो 

लेखाइ शुद्ध तर अझै अमिल्दो देख्छु म

 बोलाइ स्पष्टता छ तापनि लरबरिन्छु म          ।

 .....हो आजकाल यिनै जन्तुहरुको अखडा छु म

 भयवित होइन बरु मुग्ली भएको छु म 

शिकारी होइन सिकारु भएको छु म 

बन्द कोठाबाट निस्कि जीवनको बोधगया पुग्न खोज्दैछु म 

        कुहिरो हटि सुन्दर गिरिको नजारा देख्दैछु म      । 

जीवनका अनेकन भूलभूलैया चिन्न अनि फड्किन सिक्दैछु 

बिस्तारै हरेक गुनगुनाहटमा यथार्थता केलाउन अब म खोज्दैछु 

प्रगाढ सम्बन्ध भएको भूतपूर्व साथीसँग, 

मलाई लाग्छ, दुबैलाई हितकारी हुनेगरी सम्बन्ध-बिच्छेद गर्न खोज्दैछु म

 माफ गर मित्र एउटा छुट्टै जीवन जिउन खोज्दैछु म

 मेरो र तिम्रो  भलाइका लागि ।