बाटाहरु

Source:jonhrognerud.com

 अटुट बाटाहरु मेरो अगाडि

 जाने कता हुन्, कता जाने हुन् थाहा छैन 

 अनगिन्ती हाँगाबिँगा पलाएका यस्का

अनन्त, अनन्त 

 पाइला चाल्ने र उत्सुकता अंगाल्ने लतले 

 मन थाम्न असम्भव जत्तिकै छ 

नवीन नजारा, नयाँ जीवन अनि नयाँ सम्भाव्यताको खोज 

आवश्यकता हैन आदत भएको छ 

आकृति अनेकन बाटाहरुमा

 अनेकौं दिन, अनेकन दिल 

अनेकौं मन मस्तिष्क अनेकन 

भएका बाटाहरु हिंड्दै गर्दा

डुल्दै गर्दाको दृश्य रमणीय त कहिलेकाहीँ उराठलाग्दो छ

 मिलन खाल्डाखुल्डी, उकाली ओरालीसँगको छ 

मिलन धूलोका कणसँगको,

मिलन पक्की कच्चा, चट्टाने हिलाम्मे बाटाहरुसँगको ।।